سياسة الخصوصية

آخر تحديث: ٢٩ أكتوبر ٢٠٢٦

تطبيق «وقتي» يساعدك تعرف كم تقضي من وقتك في أماكنك. خصوصيتك مهمة لنا، وهذي الصفحة توضح وش البيانات اللي يستخدمها التطبيق وكيف.

الخلاصة

• أماكنك وأوقاتك وموقعك محفوظة على جوالك فقط، وما تنرسل لأي جهة.
• تسجيل الدخول برقم الجوال اختياري، والتطبيق يشتغل كامل بدونه.
• ما فيه إعلانات، ولا أدوات تتبع أو تحليلات.

البيانات اللي يستخدمها التطبيق

• الأماكن اللي تضيفها: اسم المكان وموقعه على الخريطة ونطاقه، والحدود والأهداف اللي تحطها.
• أوقات الزيارات: متى وصلت لمكان من أماكنك ومتى طلعت منه.
• التنقل: مدة القيادة والمشي وركوب الدراجة، من بيانات الحركة في جوالك.
• الإعدادات: اختياراتك داخل التطبيق.

الموقع

يطلب التطبيق إذن الموقع «دائماً» عشان يعرف متى توصل لأماكنك ومتى تطلع منها، حتى لو التطبيق مقفل. يقارن التطبيق موقعك بأماكنك على جوالك نفسه، وما يحفظ مسار تحركاتك ولا يرسله لأي مكان. تقدر توقف إذن الموقع في أي وقت من إعدادات الجوال، بس وقتها ما راح يقدر التطبيق يحسب وقتك تلقائياً.

الحركة واللياقة

يستخدم التطبيق بيانات الحركة من جوالك عشان يعرف إذا كنت تسوق أو تمشي أو تركب دراجة، ويحسب وقت التنقل. هذي البيانات تُقرأ على جوالك فقط وما تُرسل لأي جهة.

التنبيهات والأنشطة المباشرة

تنبيهات الحدود والأهداف وعداد شاشة القفل كلها تُجهَّز على جوالك نفسه، وما تمر على أي خادم.

تسجيل الدخول برقم الجوال (اختياري)

إذا اخترت تسجّل دخولك، يرسل التطبيق رقم جوالك لخادم وقتي، والخادم يطلب من شركة «Authentica» السعودية ترسل لك رمز تحقق برسالة نصية وتتأكد منه. بعد التحقق، ينحفظ مفتاح الدخول ورقمك على جوالك. خادم وقتي ما يحتفظ بقائمة أرقام، ولا يستقبل أماكنك أو أوقاتك أو موقعك. شركة Authentica تتعامل مع رقمك لإرسال الرمز حسب سياسة الخصوصية الخاصة فيها. وتقدر تسجّل خروج في أي وقت من الإعدادات.

المشاركة مع جهات أخرى

ما نبيع بياناتك. الجهة الوحيدة اللي تستقبل شي هي Authentica، وتستقبل رقم جوالك بس، وفقط إذا اخترت تسجّل دخولك. التطبيق ما فيه إعلانات ولا أدوات تحليل من جهات خارجية.

حذف بياناتك

تقدر تحذف أي مكان من داخل التطبيق. وإذا حذفت التطبيق من جوالك، تنحذف كل بياناته معه.

الأطفال

التطبيق ما يجمع أي بيانات عن أي أحد خارج جوالك، بما فيهم الأطفال.

التغييرات على هذي السياسة

إذا أضفنا ميزات تغيّر طريقة التعامل مع بياناتك، مثل المزامنة أو النسخ الاحتياطي، بنحدّث هذي الصفحة ونغيّر تاريخ آخر تحديث قبل ما تصير الميزة متاحة.

التواصل

لأي سؤال عن الخصوصية، تواصل معنا من صفحة التطبيق في App Store.